საქართველოს 20-წლამდე მორაგბეთა ნაკრებმა პორტუგალიის დედაქალაქ ლისაბონში მიმდინარე მსოფლიო თასის “ალაფის” ჯგუფური ეტაპი პირველ ადგილზე დაასრულა და ფინალში პირველად ითამაშებს.
მესამე რაუნდის შეხვედრაში “უმცროსმა ბორჯღალოსნებმა” მასპინძელთა გუნდს დაძაბულ ბრძოლაში 19:11 მოუგეს. პირველ ტაიმში ოთარ გიორგაძემ და რეზი ჯინჭველაშვილმა ლელოები გაიტანეს და ამ უკანასკნელმა გარდასახვებიც ზუსტად შეასრულა, მაგრამ ტაიმის მიწურულს მასპინძლებმა ჯარიმით და ლელოთი ჩამორჩენის შემცირება მოახერხეს - 14:8.
მეორე ტაიმში საქართველოს ნაკრები უპირატესობას ფლობდა, მაგრამ ლელო მხოლოდ 65-ე წუთზე, ისიც კონტრშეტევაზე გავიდა და ბოლომდე ანზორ სიჭინავამ იბრძოლა. გარდასახვა არაზუსტი იყო, მერე პორტუგალიამ ჯარიმით ჩამორჩენა შეამცირა, რის შემდეგაც ანგარიში აღარ შეცვლილა და თამაში 19:11 დასრულდა. ფინალში საქართველოს ნაკრების მეტოქე ტონგასა და კანადას შორის გამარჯვებული იქნება, რომელთა მატჩიც 22:00 საათზე იწყება.
2015 წლის მსოფლიო თასის “ალაფა”
პორტუგალია. ლისაბონი
A ჯგუფი
20 მაისი
საქართველო - პორტუგალია 19:11 (14:8)
საქართველო: 15. რატი შანიძე, 14. ანზორ სიჭინავა, 13. გიორგი კვესელაძე, 12. სანდრო ილურიძე, 11. დავით გულიტაშვილი, 10. რეზი ჯინჭველაშვილი, 9. ვასილ ლობჟანიძე; 1. ბექა კაკაბაძე, 2. ბადრი ალხაზაშვილი (კაპ.), 3. გიორგი მელიქიძე, 4. ოთარ გიორგაძე, 5. როლანდ კვაჭაძე, 6. თორნიკე ბუბუტეიშვილი, 7. თორნიკე ზოიძე, 8. დავით პაპავაძე.
სათადარიგოები: 16. გიორგი თედორაძე, 17. ნიკა სვიმონიშვილი, 18. მიხეილ ბაბუნაშვილი, 19. გიორგი ცუცქირიძე, 20. ბადრი ლიპარტელიანი, 21. თემურ თუთბერიძე, 22. გიორგი ბაბუნაშვილი.
ფიჯი - ურუგვაი
| საქართველო | 3 | 3 | 0 | 0 | 95:35 | 13 |
| ფიჯი | 2 | 1 | 0 | 1 | 47:49 | 5 |
| ურუგვაი | 2 | 1 | 0 | 1 | 49:72 | 5 |
| პორტუგალია | 3 | 0 | 0 | 3 | 56:90 | 0 |
B ჯგუფი
20 მაისი
ნამიბია - ჰონკონგი (12:5 პირველი ტაიმის შემდეგ)
ტონგა - კანადა
| ტონგა | 2 | 2 | 0 | 0 | 80:27 | 10 |
| კანადა | 2 | 2 | 0 | 0 | 59:35 | 9 |
| ჰონკონგი | 2 | 0 | 0 | 2 | 31:59 | 0 |
| ნამიბია | 2 | 0 | 0 | 2 | 31:80 | 0 |
ფინალური დღე. 24 მაისი
