ქართველმა სუმოისტმა ლევან გორგაძემ იგივე ტოჩინოშინმა ნაცუ ბაშო წარუმატებლად გახსნა, თუმცა, მობილიზება მოახერხა და ნელ-ნელა დადებითი ბალანსისკენ (კაჩი-კოში) მიიწევს.

ტოკიოს “რიოგოკუ კოკუგიკანში” მიმდინარე მაისის სუპერტურნირის მე-9 დღეს ტოჩინოშინი დასავლეთის მე-2 მაეგაშირა ამინიშიკის გაეჯიბრა და ცუკიდაშით აჯობა. ახლა, დასავლეთის პირველი მაეგაშირას წოდების მქონე ქართველს 4 მოგება და 5 მარცხი გააჩნია. ლევანის შემდეგი მოწინააღმდეგე აღმოსავლეთის მე-3 მაეგაშირა სადანოუმი იქნება, რომელსაც მისდარი ბალანსი აქვს.

3 მოგების წილ მე-6 მარცხი განიცადა გაგამარუს შიკონათი ცნობილმა თეიმურაზ ჯუღელმა, რომელმაც აღმოსავლეთის მე-10 მაეგაშირა იკიოისთან ოშიდაშით წააგო. აღმოსავლეთის მე-6 მაეგაშირას წოდების მქონე ქართველ გოლიათს მომდევნო შერკინება იოკოძუნა ჰარუმაფუჯისთან ელის და ეს, მისთვის ნამდვილი გამოცდა იქნება.

ცნობისთვის, დღეს მონღოლმა დიდმა ჩემპიონმა დასავლეთის მე-5 მაეგაშირა ტამავაშისთან წააგო და ლიდერთა ჯგუფს ჩამორჩა. ჰარუმაფუჯის 7 მოგება შერჩა, 8-8 გამარჯვებით კი იოკოძუნა ჰაკუჰო და რიგითი მაეგაშირები კაისეი და კიოკუშუჰო ლიდერობენ.

ნაცუ ბაშოს მე-9 დღის მიმოხილვა

გაგამარუს ორთაბრძოლა – 4:20-დან, ტოჩინოშინის – 5:33-დან