მიუნხენის “ბაიერნი” “აიაქსის” 20 წლის შემტევის, ანვარ ელ ღაზის გადაბირებას გეგმავს. ელ ღაზის გადაყვანას ასევე “ჩელსი” და მადრიდის “ატლეტიკოც” გეგმავენ.
ელ ღაზიმ “აიაქსის” მაისურით ჰოლანდიის ჩემპიონატში 23 მატჩი ჩაატარა, 9 გოლი გაიტანა და 8 შედეგიანი გადაცემა შეასრულა. 20 წლის ფეხბურთელმა “აიაქსის” საუკეთესო ახალგაზრდა ფეხბურთელის ტიტულიც დაიმსახურა.
ელ ღაზი წარმოშობით მაროკოელია და 1995 წელს ჰოლანდიაშია დაბადებული. მას უკვე უთამაშია ჰოლანდიის სამ ასაკობრივ ნაკრებში.
