ესპანეთის ჩემპიონატი, რომელიც ჩაშლის საფრთხის წინაშე იდგა, ჩვეულებრივად ჩატარდება და კალენდრის მიხედვით დასრულდება.
როგორც მოგეხსენებათ, ესპანეთის ხელისუფლება, ფედერაცია, ფეხბურთელთა ასოციაცია და პროფესიონალური ფეხბურთის ლიგა ახალი სატელევიზიო უფლებების დეტალებზე ვერ თანხმდებიან. ამის გამო, ესპანეთის ფეხბურთის ფედერაციას დარჩენილი ორი ტურისა და ესპანეთის თასის ფინალის ჩაშლა სურდა, თუმცა ასე აღარ მოხდება. დარჩენილი შეხვედრები ჩატარდება, ხოლო მხარეები შეთანხმების მიღწევას მოლაპარაკებებით ეცდებიან.
