მსოფლიო რეიტინგსიის მეშვიდე ნომერი რაფა ნადალი რომის Internazionali BNL d'Italia-ს მეოთხედფინალიში ამერიკელი ჯონ იზნერის 6:4, 6:4 დამარცხების შემდეგ გავიდა. მალიორკელის მომდევნო მოწინააღმდეგეს შვეიცარიელი სტენ ვავრინკას და ავსტრიელი დომინიკ ტიმის ორთაბრძოლა გაარკვევს.
ნადალისა და იზნერის პაექრობამ საათსა და 19 წუთს გასტანა. რაფას აქტივში 2 ბრეიკი და 3 ეისია. ნადალი საჩოგბურთო კარიერის განმავლობაში მეექვსედ შეხვდა იზნერს და მეექვსედაც შეძლო მისი გაწბილება.
სადღეისოდ აშშ-ის პირვლმა ჩოგანმა იზნერმა ზედიზედ მოგებული 87 გეიმის შემდეგ პირველად დათმო საკუთარი მოწოდება. 30 წლის ამერიკელმა საკუთარ მოწოდებაზე გეიმი ბოლოს თითქმის თვის წინ ასევე ნადალთან, მონაკოს “მასტერზის” მესამე წრეში წააგო.
