21 წლის ჰოლანდიელ შემტევს მემფი დეპას, რომელმიც მომდევნო სეზონიდან “მანჩესტერ იუნაიტედის” ღირსებას დაიცავს, სურს, რომ “მანჩესტერისთვის” ახალი კრიშტიანუ რონალდუ გახდეს.

“გავიგე, რომ ხალხი კრიშტიანუ რონალდუს მადარებს, მე ჯერ 21 წლის ვარ, მაგრამ ერთ დღეს შემიძლია “მანჩესტერ იუნაიტედის” ახალი კრიშტიანუ რონალდუ გავხდე და იმ სიმაღლეებს მივაღწიო, რასაც მან მიაღწია”- goal.com დეპაის სიტყვებს ციტირებს.

“მანჩესტერმა” დეპაი პსვ-დან 22.3 მილიონ გირვანქა სტერლინგად გადაიბირა. ჰოლანდიელი შემტევი პსვ-ს ღირსებას 2011-წლიდან იცავს და კლუბის მაისური ჩატარებულ 89 მატჩში მეტოქის მეკარეები 39-ჯერ დაამწუხრა. 21 წლის ფეხბურთელი ჰოლანდიის ეროვნული ნაკრების წევრია, სადაც 15 მატჩი ჩაატარა და 2 გოლი გაიტანა.