სხვა

14:41 | 13.05.2015 | ნანახია 1889 - ჯერ

ქართველთა წარმატებული დღე მაისის ბაშოზე

ტოკიოს რიოგოკუ კოკუგიკანში მიმდინარე მაისის სუპერტურნირის მე-4 დღე წარმატებული გამოდგა ქართველი სუმოისტებისთვის. ნაცუ ბაშოს სტარტზე განცდილი სამ-სამი მარცხის შემდეგ, როგორც ტოჩინოშინმა, ისევე გაგამარუმ გამარჯვებები იზეიმეს.

განსაკუთრებით გამოსარჩევი ტოჩინოშინის შიკონათი ცნობილი ლევან გორგაძის წარმატებაა, რომელიც ტოკიოში დასავლეთის პირველი მაეგაშირას წოდებით ირჯება და შესაბამისად, უძლიერეს მეტოქეებთან უწევს ჭიდილი. ამჯერად, ტოჩინოშინი ოძეკი კისენოსატოს გაეჯიბრა და იაპონელი სეკიტორი, რომელსაც მანამდე მაქსიმალური შედეგი გააჩნდა, ცუკიოტოშიც დაამარცხა.

წარმატებული დღე ჰქონდა თეიმურაზ ჯუღელს იგივე გაგამარუს. აღმოსავლეთის მე-6 მაეგაშირას წოდების მქონე ქართველმა გოლიათმა აღმოსავლეთის მე-9 მაეგაშირა ჰომარეფუჯის ოშიდაშით აჯობა.

ჰაცუ ბაშოს მე-5 დღეს ტოჩინოშინი ძალებს სეკივაკე ტერუნოფუჯისთან მოსინჯავს, რომელთანაც წინა ბრძოლა წაგებული აქვს. თავის მხრივ, გაგამარუს მეტოქე დასავლეთის მე-9 მაეგაშირა ენდო იქნება. მეტოქეებს ერთმანეთის წინააღმდეგ თითო მოგება გააჩნიათ.

საინტერესოა, რომ მარცხი შეემთხვა იოკოძუნა ჰარუმაფუჯის, რომელსაც აღმოსავლეთის მე-3 მაეგაშირა სადანოუმიმ ჰიკაკეთი აჯობა. ცნობისთვის, სასტარტო შერკინებაში მსაჯებმა გამარჯვებული ვერ გამოავლინეს, ტორინაოსის (განმეორებითი ბრძოლა) დროს კი უფრო ყოჩაღი აუტსაიდერად მიჩნეული სადანოუმი აღმოჩნდა. ახლა, ორივე იოკოძუნას – ჰაკუჰოს და ჰარუმაფუჯის 3 მოგება და 1 წაგება გააჩნია.

ოთხ-ოთხი გამარჯვებით ლიდერებში აღნიშნული სადანოუმი და სხვა რიგითი მაეგაშირები – ტაკაიასუ, ამურუ და კაისეი იმყოფებიან, სანიაკუდან (პირობითი კატეგორია, რომელშიც 4 უმაღლესი წოდების – იოკოძუნა, ოძეკი, სეკივაკე, კომუსუბი – მქონე სუმოისტები არიან გაერთიანებულნი) კი მოწინავეთა რიგებში არავინაა.


კომენტარები (7)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

09:48 | 14.05.2015
ambako (2432)

კაკურიუს ამბავი მინიმუმ ერთი თვის წინანდელია და დაიწერა ბევრგან// აქაც მგონი

22:07 | 13.05.2015
miriani (2665)

უუუუფ ნახშირი კედელს, ძლივს არ გატეხეს ნავსი?

21:01 | 13.05.2015
BEERTRANCE (97819)

როგორც იქნა, თან კაია რომ კისესთან გატეხა ნავსი მოვიდეს იქნებ იშტაზე.
ისე დღეს ყველა ოძეკმა და 1მა იოკოძუნამ წააგო

18:12 | 13.05.2015
adp10 (10711)

საღოლ ბიჭებიიიიიიიიიიიიიიიიიიი

16:59 | 13.05.2015
გუგა80 (1551)

აჰა, გასაგებია. ეხლა ვნახე რუსულ საიტზე. კაკურიუ თავიდანვე მოხსნილა ამ ტურნირიდან მხრის ტრავმის გამო.
"დიდი მადლობა" მსოფლიო სპორტს ასეთი მნიშვნელოვანი ინფორმაციების "არ გამოტოვებისა" და "ოპერატიული მოწოდებისათვის" :-))))))))))))))))))

16:52 | 13.05.2015
გუგა80 (1551)

შენა და მესამე იოკოძუნა სად არის?

15:22 | 13.05.2015
ალექსანდრე (6188)

ნავსი გატყდა, ეხლა გამარჯვებების დროა.

სარეკლამო ადგილი - 23
250 x 500
0.12205