“ბარსელონას” მთავარი მწვრთნელი ლუის ენრიკე იმ სპეციალისტთა სიაში ჩაეწერა, ვისაც მისი გუნდი პირველივე სამუშაო სეზონში ჩემპიონთა ლიგის ფინალში გაუყვანია.

აქამდე სადებიუტო სეზონში მსგავს წარმატებას მიაღწიეს: იუპ ჰანკესმა (“რეალი”, 1997/98 წლების სეზონი), ოტმარ ჰიტცფელდმა (“ბაიერნი”, 1998/99), ექტორ კუპერმა (“ვალენსია”, 1999/2000), კლაუს ტოპმიოლერმა (“ლევერკუზენი”, 2001/02), რაფაელ ბენიტესმა (“ლივერპული”, 2004/05), ავრაამ გრანტმა (“ჩელსი”, 2007/08), ხოსეპ გვარდიოლამ (“ბარსელონა”, 2008/09), ლუის ვან გაალმა (“ბაიერნი”, 2009/10), რობერტო დი მატეომ (“ჩელსი”, 2011/12), კარლო ანჩელოტიმ (“რეალი”, 2013/14).

ჩემპიონთა ლიგის მიმდინარე გათამაშების ნახევარფინალში ლუის ენრიკეს შეგირდებმა ორი მატჩის ჯამში “ბაიერნს” აჯობეს. “ბარსელონამ” პირველ შეხვედრაში მიუნხენელები 3:0 დაამარცხა, საპასუხო მატჩი კი 2:3 წააგო.