გერმანული “ვოლფსბურგის” ნახევარმცველი კევინ დე ბრუინი ევროპის სატრანსფერო ბაზარზე ერთ-ერთი ყველაზე მოთხოვნადი ფეხბურთელი გახდა.

Bild-ის ცნობით, 23 წლის ბელგიელით ერთბაშად ხუთი ევროპული გრანდია დაინტერესებული - “ბაიერნი”, პსჟ, მადრიდის “რეალი”, “მანჩესტერ სიტი” და “მანჩესტერ იუნაიტედი”.

არჩევანის გაკეთება ნამდვილად ღირს და დე ბრუინის შეფერხებას არც “ვოლფსბურგი” აპირებს, ოღონდ, კევინის შეძენის მსურველს 50-იდან 70 მილიონამდე ევროს გადახდა მოუწევს. ასეთი ფასი კლუბსა და ფეხბურთელს შორის გაფორმებულმა კონტრაქტმა განაპირობა, რომელსაც ვადა 2019 წელს ეწურება.

გერმანიის ბუნდესლიგის მომდინარე სეზონში ჩატარებულ 32 მატჩში დე ბრუინმა 10 გოლი გაიტანა და 20 საგოლე გადაცემა გააკეთა.