ქალების ბუნდესლიგის ბოლო, 22-ე ტურში “ბაიერნმა” საკუთარ მოედანზე “ესენი” 2:0 დაამარცხა, ხოლო მიუნჰენელთა უშუალო კონკურენტი “ვოლფსბურგი” გასვლით მატჩში “ფრანკფურტს” 1:1 დაუზავდა. “ბაიერნი” ბუნდესლიგის ჩემპიონი გახდა.

კლუბმა ტურნირის განმავლობაში 17 მატჩი მოიგო, 5 ფრედ დაასრულა და არც ერთი შეხვედრა არ წაუგია, მიუნხენელებმა 56 ქულა დააგროვეს და “ვოლფსბურგს” მხოლოდ ერთი ქულით გაასწრეს.

“ბაიერნის” ქალთა გუნდმა ბუნდესლიგა თავის ისტორიაში პირველად მოიგო. ქალების ბუნდესლიგა სათავეს 1990 წელს იღებს. ტურნირი ყველაზე მეტჯერ, 7-ჯერ “ფრანკფურტს” აქვს მოგებული.