ლონდონის “ჩელსის” მთავარი მწვრთნელი ჟოზე მოურინიო 8 მაისს “ბრენტფორდსა” და “მიდლსბროს” შორის ჩემპიონშიფის ფლეი-ოფის მატჩს დაესწრო. მიდლსბროელების რიგებში “არისტოკრატთა” საკუთრებაში მყოფი 21 წლის პატრიკ ბემფორდი თამაშობს.

ირლანდიური ფესვების მქონე ცენტრალური თავდამსხმელი ჩემპიონშიფის 2014/15 წლების სეზონის საუკეთესო ფეხბურთელად უკვე აღიარეს. ბემფორდმა სეზონში ინგლისის რანგით მეორე დონის ჩემპიონატში 38 მატჩი ჩაატარა და 17 გოლთან ერთად 5 საგოლე გადაცემაც შეასრულა.

ახალგაზრდა მოთამაშისთვის ეს კარგია შედეგი და მოურინიოს ყურადღება ნამდვილად დაიმსახურა. მაისის ბოლოს პატრიკი ანტონიო კარანკას გუნდს დაემშვიდობება და ლონდონს მიაშურებს. ამის შემდეგ კი გადაწყდება, პორტუგალიელი მწვრთნელი ბემფორდს მთავარ გუნდში დატოვებს თუ არა.