ქართველი ჩოგბურთელი სოფო ქვაცაბაია პოლონეთის ქალაქ პუშჩიკოვოში დასრულებული საერთაშორისო ტურნირის (საპრიზო ფონდი 10 ათასი დოლარი) გამარჯვებული გახდა.

ქვაცაბაიამ 5 მატჩი ისე მოიგო, სეტიც კი არ დაუთმია. მე-3 ნომრად განთესილმა ქართველმა ჩოგბურთელმა ნახევარფინალში მე-2 რეიტინგის მქონე სლოვაკი ზუზანა ზლოჩოვა 6:3, 6:4 დაამარცხა, ფინალში კი გერმანელ ნატალია სიედლისკას 6:1, 6:1 სძლია.