ლუის ჰამილტონმა კიდევ ერთხელ დაამტკიცა, რომ ტრეკზე უსწრაფესია. თუნდაც თავისუფალი პრაქტიკების დროს. მართალია, ესპანეთის დიდი პრიზის პირველ პრაქტიკაზე მას თანაგუნდელმა ნიკო როსბერგმა აჯობა, მაგრამ მეორე სესიაზე ჩემპიონმა „თავისი ადგილი“ დაიკავა. როსბერგმა კი, პირველ სესიაზე, პიტლეინზე გადაადგილების წესი დაარღვია, რის გამოც სტიუარდებმა მას გაფრთხილება მისცეს.
სხვათა შორის, მეორე სესიის დროს, როსბერგს გადაცემათა კოლოფში საფეხურების შეცვლასთან დაკავშირებული პრობლემები ჰქონდა, რამაც მის გამოსვლაზე უარყოფითად იმოქმედა. ამით კი სებასტიან ფეტელმა ისარგებლა და მეორე სესიაზე მეორე საუკეთესო შედეგი მას დარჩა. ფეტელს პირველ სესიაზე მესამე დრო ჰქონდა. ორივეზე კი მეოთხე იყო მისი თანაგუნდელი კიმი რაიკონენი.
პირველ სესიაზე მეხუთე დრო ჰქონდა კარლოს საინს უმცროსს, რომლისთვისაც ეს ფ1-ის პირველი საშინაო რბოლაა. მას მცირედით ჩამორჩა თანაგუნდელი მაქს ფერსტაპენი, რომელსაც მეორე სესიაზეც მე-6 დრო ჰქონდა, საინსი კი ამჯერად მე-9 დროს დასჯერდა.
კვლავ ძრავთან დაკავშირებული პრობლემები ჰქონდა დანიელ რიკარდოს, რომელმაც ამის გამო, ორივე სესიის დიდი ნაწილი ბოქსებში გაატარა. არადა, ეს უკვე მისი მეოთხე ძრავია, რომლის გამოცვლის შემთხვევაშიც, ის სტარტზე პოზიციებს დაკარგავს. პრობლემების გამო, მას ორივე სესიაზე თანაგუნდელმა დანილ კვიატმა აჯობა.
მეორე სესიაზე მოხდა ინციდენტიც - სტარტ-ფინიშის სწორზე რომენ გროჟანის „ლოტუსს“ ძრავის ხუფი მოსწყდა და მისი ნამსხვრევები ტრეკზე მიმოიფანტა, რის გამოც, სესია ცოტა ხნით შეწყდა. სხვათა შორის, პირველ სესიაზე გროჟანს არ უასპარეზია - მის ნაცვლად კოკპიტში ადგილი ბრიტანელმა სარეზერვო პილოტმა ჯოლიონ პალმერმა დაიკავა.
პირველ სესიაზე ტრეკზე „უილიამსის“ ქალი მრბოლი, სუზი ვოლფი გამოვიდა, რომელმაც მე-14 დრო აჩვენა და უკან ორივე „მაკლარენი“, მისი ჩემპიონი პილოტებით მოიტოვა. ვოლფმა ვალტერი ბოტასის ბოლიდით იასპარეზა.
ესპანეთის დიდი პრიზი
პირველი თავისუფალი პრაქტიკა
- ნიკო როსბერგი (გერმანია, მერსედესი) 1:26.828
- ლუის ჰამილტონი (ბრიტანეთი, მერსედესი) 1:26.898
- სებასტიან ფეტელი (გერმანია, ფერარი) 1:27.806
- კიმი რაიკონენი (ფინეთი, ფერარი) 1:27.832
- კარლოს საინს უმცროსი (ესპანთი, ტორო როსო) 1:28.132
- მაქს ფერსტაპენი (ჰოლანდია, ტორო როსო) 1:28.529
- დანილ კვიატი (რუსეთი, რედ ბული) 1:28.785
- ფელიპე მასა (ბრაზილია, უილიამსი) 1:28.831
- დანიელ რიკარდო (ავსტრალია, რედ ბული) 1:29.075
- ფელიპე ნასრი (ბრაზილია, ზაუბერი) 1:29.140
- ნიკო ჰულკენბერგი (გერმანია, ფორს ინდია) 1:29.409
- რაფაელე მარჩელო (იტალია, ზაუბერი) 1:29.630
- ჯოლიონ პალმერი (ბრიტანეთი, ლოტუსი) 1:29.676
- სუზი ვოლფი (ბრიტანთი, უილიამსი) 1:29.708
- ფერნანდო ალონსო (ესპანეთი, მაკლარენი) 1:29.813
- ჯენსონ ბატონი (ბრიტანეთი, მაკლარენი) 1:29.817
- სერხიო პერესი (მექსიკა, ფორს ინდია) 1:30.096
- პასტორ მალდონადო (ვენესუელა, ლოტუსი) 1:30.110
- უილ სტივენსი (ბრიტანეთი, მენორი) 1:32.471
- რობერტო მერი (ესპანეთი, მენორი) 1:32.647
მეორე თავისუფალი პრაქტიკა
- ლუის ჰამილტონი (ბრიტანეთი, მერსედესი) 1:26.852
- სებასტიან ფეტელი (გერმანია, ფერარი) 1:27.260
- ნიკო როსბერგი (გერმანია, მერსედესი) 1:27.616
- კიმი რაიკონენი (ფინეთი, ფერარი) 1:27.780
- დანილ კვიატი (რუსეთი, რედ ბული) 1:27.943
- მაქს ფერსტაპენი (ჰოლანდია, ტორო როსო) 1:28.017
- ჯენსონ ბატონი (ბრიტანეთი, მაკლარენი) 1:28.494
- ვალტერი ბოტასი (ფინთი, უილიამსი) 1:28.525
- კარლოს საინს უმცროსი (ესპანთი, ტორო როსო) 1:28.674
- ფელიპე მასა (ბრაზილია, უილიამსი) 1:28.712
- ფერნანდო ალონსო (ესპანეთი, მაკლარენი) 1:28.723
- რომენ გროჟანი (საფრანგეთი, ლოტუსი) 1:29.086
- დანიელ რიკარდო (ავსტრალია, რედ ბული) 1:29.098
- პასტორ მალდონადო (ვენესუელა, ლოტუსი) 1:29.217
- ფელიპე ნასრი (ბრაზილია, ზაუბერი) 1:29.333
- მარკუს ერიქსონი (შვედეთი, ზაუბერი) 1:29.361
- ნიკო ჰულკენბერგი (გერმანია, ფორს ინდია) 1:29.601
- სერხიო პერესი (მექსიკა, ფორს ინდია) 1:29.707
- უილ სტივენსი (ბრიტანეთი, მენორი) 1:31.929
- რობერტო მერი (ესპანეთი, მენორი) 1:32.751
