ტიხვინის “ტოსნოს” მცველი გურამ თეთრაშვილი ინტერნეტპორტალ onedivision.ru-ს ვერსიით რუსეთის საფეხბურთო პირველი დივიზიონის 30-ე ტურის სიმბოლურ ნაკრებში მოხვდა.
“ამ მცველმა რამდენი აჩქარება გააკეთა რთული დასათვლელია. მითუმეტეს, მისი გარღვევები ყოველთვის მწვავე იყო და ხშირ შემთხვევაში პარტნიორისთვის გაკეთებული ზუსტი პასით სრულდებოდა. ამასთანავე, გურამი დაცვაშიც საიმედო იყო. მეტოქის სხარტ “დრიბლიორს” მუტარის განძრევის საშუალება არ მისცა” – იუწყება onedivision.ru თეთრაშვილის შესახებ, რომელიც რუსეთის მოქალაქეა.
განვლილ ტურში “ტოსნომ” თავის მოედანზე მახაჩყალის “ანჟი” 1:0 დაამარცხა. მეკარე ნუკრი რევიშვილსა და მარცხენა მცველ გიორგი ნავალოვსკის გამარჯვებულებში არ უთამაშიათ. საქართველოს ნაკრების წევრებს ბოლო პერიოდში პრაქტიკა ნაკლებად აქვთ და სეზონის დასრულების მერე დიდი ალბათობით გუნდიდან წავლენ.
