გენუის “სამპდორია” ზაფხულში “ლივერპულის” შემტევის მარიო ბალოტელის შეძენას გეგმავს. ამის შესახებ Daily Mail-ი იუწყება.

ცოტა ხნის წინ გავრცელდა ინფორმაცია, რომ “ლივერპული” სეზონის ბოლოს ბალოტელის გუნდიდან გაშვებას აპირებს. ინგლისურმა კლუბმა იტალიელი ფორვარდი 2014 წელს “მილანიდან” 20 მილიონ ევროდ შეიძინა.

მიმდინარე სეზონში მარიომ ინგლისის ჩემპიონატში 16 მატჩში ჩაატარა და 1 გოლი გაიტანა. ის 2010 წლიდან იტალიის ეროვნული ნაკრების წევრია, სადაც 33 შეხვედრა ჩაატარა და 13 გოლი გაიტანა.