ქართველი სოფო შაფათავას და ბელარუსი სვიატლანა პირაჟენკას წყვილი, რომელიც გერმანიის ქალაქ ვისბადენში მიმდინარე საერთაშორისო ტურნირზე (საპრიზო ფონდი 25 ათასი დოლარი) თამაშობდა, ასპარეზობას ნახევარფინალში გამოეთიშა.

შაფათავამ და პირაჟენკამ მეოთხედფინალში ჩეხებს – კუნჩიკოვას და სტუჩლას 5:7, 6:2, 10:4 სძლიეს, ფინალში გადასასვლელ შეხვედრაში კი პირველი რეიტინგის მქონე გერმანულ-შვეიცარიულ დუეტთან (დანიელსი-გოლუბიჩი) 2:6, 2:6 დამარცხდნენ.