როგორც Sun იუწყება, მაიკლ ესიენს ინგლისის პრემიერლიგაში დაბრუნება სურს. ამ ეტაპზე კონკრეტული კლუბები არ სახელდება. აფრიკელი წლების მანძილზე წარმატებით თამაშობდა ლონდონის “ჩელსიში” და ინგლისურ ლიგაში არაერთი მატჩი ჩაუტარებია.

ესიენის პროფესიული კარიერა 2000 წელს “ბასტიაში” დაიწყო, 2003-2005 წლებში “ლიონის” ფეხბურთელი იყო. 2005 წელს “არისტოკრატებთან” გააფორმა კონტრაქტი და ინგლისური კლუბის მაისურით 20014 წლამდე ითამაშა. 2012-2013 წლების სეზონი განათხოვრების წესით მადრიდის “რეალში” გაატარა.

ესიენი 2014 წლიდან “მილანის” ფეხბურთელია. მიმდინარე სეზონში იტალიის სერია A-ს 13 მატჩში მიიღო მონაწილეობა.