ფოთის „კოლხეთის“ პრესსამსახურის ცნობით, საფეხბურთო ტრანსფერებზე მომუშავე ბელგიური კომპანია ,,vision foot''-ის მეშვეობით, რომელთანაც მჭიდროდ თანამშრომლობს ,,კოლხეთი 1913''-ის სპორტული დირექტორი ლაშა ჯაკობია, შესაძლებელი გახდა ფოთელთა რიგებში მოასპარეზე ფეხბურთელის ლევან შენგელიას სინჯებზე მიწვევა ფრანგულ ,,ლილში“.

,,ლილი'' საფრანგეთის 3 გზის ჩემპიონია, ხოლო ქვეყნის თასი 6 ჯერ აქვს მოპოვებული. შენგელია საფრანგეთში სავარაუდოდ 15 მაისისთვის გაემგზავრება. ასევე ცნობილი გახდა, რომ კლუბებს შორის შემდგომი თანამშრომლობის მიზნით, ჩრდილოეთ საფრანგეთში მდებარე ქალაქში, ,,ლილის'' თავმჯდომარის მიშელ სეიდოს და მწვრთნელის რენე ჟირარის (წარსულში საფრანგეთის ნაკრების წევრი) ინიციატივით, მაისის ბოლოს საფრანგეთში ოფიციალურად მიწვეული არიან ,,კოლხეთი 1913''-ის გენერალური დირექტორი თემურ ბარქაია და სპორტული დირექტორი ლაშა ჯაკობია. შეხვედრაზე განიხილება გუნდებს შორის მრავალმხრივი თანამშრომლობის საკითხები (ტრანსფერები, ფეხბურთელთა ურთიერთგაცვლა და სხვა).