რომის "ლაციო" მომავალი სეზონისთვის გაძლიერებას ეშურება. "არწივების" თვალთახედვის არეში ამჯერად ესპანური "ელჩეს" 20 წლის ნახევარმცველი მარიო პასალიჩი მოხვდა. ამის შესახებ იტალიური მედია აქტიურად წერს.
რომაელები პასალიჩის სანაცვლოდ 15 მილიონი ევროს გაღებას გეგმავენ. ხორვატი მოთამაშე ლონდონის "ჩელსის" საკუთრებაში იმყოფება და პირინეიზე იჯარის წესით თამაშობს.
იმედისმომცემმა ბალკანელმა ფეხბურთელმა მიმდინარე სეზონში ლა ლიგაში 26 შეხვედრა ჩაატარა და მეტოქეთა კარში ერთი გოლიც გაიტანა.
