საქართველოს ვაჟ კალათბურთელთა რეგულარული პირველობის ბოლო ტურის პირველ შეხვედრას სპორტკომპლექსმა “არენა 1” –მა უმასპინძლა, სადაც “ოლიმპი” “ბათუმს” დაუპირისპირდა. ამ შეხვედრამდე ორივე გუნდს თანაბარი 18-18 ქულა ჰქონდა და მეხუთე-მეექვსე ადგილებს ინაწილებდა. შეხვედრის გამარჯვებული რეგულარულ პირველობას მე-5 ადგილზე, ხოლო დამარცხებული მე-6 ადგილზე დაასრულებდა.
მთელი შეხვედრის განმავლობაში “ოლიმპი” ლიდერობდა, რომელმაც დიდი ანგარიშით 98:69 დაამარცხა მეტოქე და რეგულარული პირველობა მეხუთე ადგილზე დაასრულა.
ამ შეხვედრაში ყველაზე მეტი, 35 ქულა “ბათუმის” ამერიკელმა ლეგიონერმა ბობ ჯეი იანგმა დააგროვა. ორმაგი დუბლის ავტორი გახდა მისი თანამემამულე და თანაგუნდელი, ცენტრალური თავდამსხმელი ქრისტოფერ ფელჩერი, რომლის ანგარიშზეც 13 ქულა და 19 მოხსნაა. მასპინძელთა შორის ყველაზე მეტი 23 ქულა უკანახაზელმა საბა ლობჟანიძემ მიითვალა. 22 ქულითა და 14 მოხსნით ორმაგი დუბლის ავტორი გახდა ლობჟანიძის თანაგუნდელი, უკრაინელი ლეგიონერი დენის ნოსკოვი.
“ოლიმპი” – “ბათუმი” 98:69 (28:22, 22:14, 15:19, 33:14)
| 1 | დინამო | 13 | 10 / 3 | 1048 / 932 | 23 |
| 2 | ქუთაისი | 13 | 10 / 3 | 1039 / 991 | 23 |
| 3 | შსს აკადემია | 13 | 9 / 4 | 1031 / 940 | 22 |
| 4 | რუსთავი | 13 | 8 / 5 | 1084 / 1040 | 21 |
| 5 | ოლიმპი | 14 | 6 / 8 | 1104 / 1125 | 20 |
| 6 | ბათუმი | 14 | 5 / 9 | 1068 / 1110 | 19 |
| 7 | სოხუმი | 13 | 3 / 10 | 1008 / 1106 | 16 |
| 8 | მგზავრები-არმია | 13 | 2 / 11 | 875 / 1013 | 15 |
