ვაჟ მოჭადრაკეთა მსოფლიოს გუნდური ჩემპიონატის ბოლოსწინა მერვე ტურში გამორჩეულ ინტერესს იწვევდა შეხვედრები სატურნირო ცხრილის სათავეში მყოფი უკრაინისა და ჩინეთის მონაწილეობით, რომლებსაც 11-11 ქულა ჰქონდათ და მესამე-მეშვიდე ადგილებზე მყოფ გუნდებს 4-4 ქულით უსწრებდნენ.

უკრაინამ უაღრესად მნიშვნელოვანი შეხვედრა ჩემპიონატის ერთ-ერთ აუტსაიდერ აშშ-თან 1.5:2.5 წააგო, ხოლო ჩინეთმა დამაჯერებელი ანგარიშით 3:1 მოუგო კუბას და ერთპიროვნული ლიდერი გახდა.

ბოლო, მეცხრე ტურში ჩინეთს რომლის მეტოქეც მსოფლიოს ვიცე-ჩემპიონ ვიშვანათან ანანდის გარეშე მოასპარეზე ინდოეთია, პირველი ადგილის დასაკავებლად ფრეც ყოფნის. ჩინელები წაგების შემთხვევაშიც კი შეიძლება გახდნენ ჩემპიონები. ამ შემთხვევაში ჩინელთა ჩემპიონობა უნგრეთ-უკრაინის შეხვედრის შედეგზე იქნება დამოკიდებული.

გულშემატკივრები ალბათ შეამჩნევდით, რომ საოცრად არასტაბილურად თამაშობს კუბა. 4 ტურის შემდეგ თავისუფლების კუნძულის წარმომადგენლებმა 8 შესაძლებლობიდან 7 ქულა დააგროვეს და ასპარეზობას ერთპიროვნულად ლიდერობდნენ. ამის შემდეგ დაეწყოთ ჩავარდნა, ზედიზედ 4 შეხვედრა წააგეს და ჩემპიონატის აუტსაიდერთა შორის მოექცნენ.

მე-8 ტურის ტექნიკური შედეგები

ინდოეთი – სომხეთი 1.5:2.5

ეგვიპტე – რუსეთი 0.5:3.5

ისრაელი – უნგრეთი 2:2

უკრაინა – აშშ 1.5:2.5

კუბა – ჩინეთი 1:3

მე-9 ტურის შეხვედრათა განრიგი

28 აპრილი

ჩინეთი – ინდოეთი

უნგრეთი – უკრაინა

აშშ – კუბა

რუსეთი – Iსრაელი

სომხეთი – ეგვიპტე

სატურნირო მდგომარეობა 8 ტურის შემდეგ

1 ჩინეთი 13 ქულა

2 უკრაინა 11

3 სომხეთი 9

4-7 ისრაელი, აშშ, უნგრეთი, რუსეთი 8-8

8-9 ინდოეთი, კუბა 7-7

10 ეგვიპტე 1