დასრულდა ვუგარ გაშიმოვის სახელობის დიდი საჭადრაკო მემორიალი, რომელსაც აზერბაიჯანის ქალაქი შამქორი მასპინძლობდა. ტურნირში მსოფლიოს 10 წამყვანი მოჭადრაკე მონაწილეობდა.

ბოლო ტურში პირველ ადგილზე გასვლის შანსს მსოფლიოს მოქმედი ჩემპიონი მაგნუს კარლსენი (ნორვეგია, 6 ქულა) და მსოფლიოს ვიცე-ჩემპიონი ვიშვანათან ანანდი (ინდოეთი, 5.5 ქულა) ინარჩუნებდნენ. კარლსენის მეტოქე მამედოვი (აზერბაიჯანი), ხოლო ანანდის - იტალიელი კარუანა იყო. კარლსენმა შეძლო მამედოვის დამარცხება და პირველ ადგილზე გავიდა. დანარჩენი პარტიები ყაიმით დასრულდა. ამრიგად, 9 შესაძლებლობიდან 7 ქულით პირველი ადგილი კარლსენმა დაიკავა და მთავარი პრიზის მფლობელი გახდ. მან რომელმაც მეორე ადგილზე გასულ ანანდს 1 ქულით გაასწრო.

გთავაზობთ ბოლო ტურის ტექნიკურ შედეგებს

კარლსენი (ნორვეგია) - მამედოვი (აზერბაიჯანი) 1-0

კარუანა (იტალია) - ანანდი (ინდოეთი) 0.5-0.5

ვაშიე-ლაგრავი (საფრანგეთი) - სო (აშშ) 0.5-0.5

გირი (ჰოლანდია) - კრამნიკი (რუსეთი) 0.5-0.5

მამედიაროვი (აზერბაიჯანი) - ადამსი (ინგლისი) 0.5-0.5

საბოლოო მდგომარეობა

I კარლსენი 7 ქულა

II ანანდი 6

III კარუანა 5

IV სო 5

V მამედიაროვი 4

VI კრამნიკი 4

VII მამედოვი 3.5

VIII ადამსი 3.5

IX ვაშიე-ლაგრავი 3.5

X გირი 3.5