მსოფლიო კლასიფიკაციის მეოთხე ნომერმა რაფა ნადალმა ბარსელონას Barcelona Open Banc Sabadell-ის მესამე წრეში იტალიელ ფაბიო ფონინისთან 4:6, 6:7 წააგო. ფონინიმ გრუნტისსაფარიან კორტზე ზედიზედ მეორედ მოახერხა ნადალის ძლევა. ფაბიოს გარდა, რაფა ამ საფარის კორტზე ორჯერ და მეტჯერ მხოლოდ დავიდ ფერერს (2), როჯერ ფედერერს (2), გასტონ გაუდიოს (3) და ნოვაკ ჯოკოვიჩს (5) დაუმარცხებიათ.

ფონინისა და ნადალის დღევანდელმა პაექრობამ 2 საათს გასტანა. რეიტინგსიაში მეცამეტე ადგილზე მყოფი 27 წლის იტალიელის აქტივში 4 ბრეიკი და ერთიც ეისია. რაფასა და ფაბიოს პირადი შეხვედრების ანგარიში 4:2 გახდა მალიორკელის სასარგებლოდ.

ბარსელონის ტურნირის მეოთხედფინალში ფონინი კიდევ ერთ ესპანელს, პაბლო ანდუხარს დაუპირისპირდება.

ბარსელონას Barcelona Open BancSabadell – Trofeo Conde de Godó-ის წლევანდელი გათამაშების საპრიზო ფონდი 2 265 235 დოლარია.