აკაკი ხუბუტია მიმდინარე სეზონის დასრულების შემდეგ, საბერძნეთის საფეხბურთო სუპერლიგაში მოასპარეზე “კერკირას” დატოვებს.
ამის შესახებ იტალიელმა მენეჯერმა ჯანლუკა მარინიმ, რომლის კლიენტი ლორიასა და მერებაშვილის გარდა, ხუბუტიაცაა, ინტერნეტპორტალ gazzetta.gr-სთან საუბარში განაცხადა.
“სამწუხაროდ, ურთიერთობა არასანდო ხალხთან მოგვიწია და ამისთვის მსურს მას მოვუბოდიშო. ყოველთვის როდესაც აკაკის ათამაშებდნენ, კარგ შთაბეჭდილებას ტოვებდა.
როდესაც ხუბუტიამ ტრავმა მიიღო, თავისი ჯიბიდან გადაიხადა ფული, რომ ბელგრადში ერთ-ერთ საუკეთესო სამედიცინო ცენტრში ემკურნალა. სეზონის ბოლოს ის “კერკირას” დატოვებს”, - აღნიშნა მარინიმ.
