კატალონიის “ბარსელონას” პრეზიდენტმა ხოსეპ მარია ბართომეუმ განაცხადა, რომ საფრანგეთის ეროვნული ნაკრების და ტურინის “იუვენტუსის” ნახევარმცველი პოლ პოგბა კარგი ფეხბურთელია, თუმცა “ბლაუგრანა” მის ტრანსფერზე არ იმუშავებს.
ევროპულ მედიაში ბოლო დროს გავრცელებული ინფორმაციის თანახმად, პოლ პოგბას ერთ-ერთი რეალური მსურველი კლუბი “ბარსაა” და დიდი ალბათობით ფრანგი სწორედ ესპანური გრანდის რიგებში გააგრძელებს კარიერას.
“პოგბა დიდებული ფეხბურთელია, მაგრამ ამ ეტაპზე მის დამატებაზე არ ვმუშაობთ. მომდევნო სეზონისთვის ვემზადებით და კლუბში ახალი სახეები არ გამოჩნდება. ფრანგს “იუვენტუსთან” კონტრაქტი აკავშირებს და ამას პატივს ვცემთ.” – განაცხადა ესპანელმა.
“ბარსელონას” სატრანსფერო პოლიტიკის გამო ფიფასგან მომდევნო წლის იანვრამდე სასჯელი აქვს და კლუბი ზაფხულში ვერცერთი ფეხბურთელის გადაბირებას მოახერხებს.
