სამშაბათს, ჩემპიონთა ლიგის საპასუხო 1/4-ფინალურ მატჩში “ბაიერნმა” შინ “პორტო” 6:1 დაამარცხა. მატჩის შემდგომ მიუნხენელთა პოლონელმა შემტევმა რობერტ ლევანდოვსკიმ მისი გუნდის თამაში შეაფასა და აღნიშნა, რომ “ბაიერნს” ამ სეზონში ყველა ტიტულის მოგება შეუძლია.

“პირველ ტაიმში 5 გოლი, - ეს ნამდვილი სიგიჟე იყო. ბევრი ფიქრობდა, რომ ჩვენ ვერ შევძლებდით პირველი თამაშის მერე ნახევარფინალში გასვლას, მაგრამ ეს “ბაიერნია”. ვიცოდით, რომ მაქსიმუმი უნდა გაგვეკეთებინა. პირველ ტაიმში 5 გოლის გატანა მართლა დიდი მოულოდნელობა იყო. მიმდინარე სეზონში ყველა ტიტულის მოგება შეგვიძლია”- ლევანდოვსკის სიტყვებს “ბაიერნის” ოფიციალრი ვებგვერდი ციტირებს.

“პორტოსთან” გამარჯვებაში პოლონელმა შემტევმა თავის წვლილი შეიტანა, ლევანდოვსკიმ პორტუგალიელებს 2 გოლი გაუტანა. პირველი შეხვედრა პორტუგალიაში მიუნხენელებს 1:3 ჰქონდათ წაგებული. სერიაში კი საბოლოოდ გერმანულმა კლუბმა 7:4 იმარჯვა.