“კალიარის” მთავარი მწვრთნელის პოსტიდან ზდენეკ ზემანი მიმდინარე სეზონში მეორედ დაითხოვეს. ამის შესახებ საფეხბურთო კლუბ “კალიარის” ოფიციალური ვებგვერდი იუწყება.

მიმდინარე სეზონი 68 წლის ჩეხმა სპეციალისტმა “კალიარის” სათავეში დაიწყო, საიდანაც შარშან 23 დეკემბერს დაითხოვეს. 2015 წლის 9 მარტს ზემანი ჯანფრანკო ძოლას მაგივრად “კალიარიში” ისევ დააბრუნეს, ხოლო 21 აპრილს კვლავ გაათავისუფლეს.

31 ტურის შემდეგ, “კალიარის” 21 ქულით იტალიის სერია A-ში მე-19 ადგილი უკავია.