იტალიის სერია A-ს ბინადარ ფლორენციის “ფიორენტინას” მიმდინარე სეზონში იტალიის ჩემპიონატში თერთმეტმეტრიანი არ გაუტანია. ორშაბათს, “ჰელას ვერონას” წინააღმდეგ გამართული მატჩისას ალესანდრო დიამანტიმ სტუმართა მეკარე რაფაელს ვერ აჯობა. დიამანტის მიერ გაცუდებული თერთმეტმეტრიანი “იებისთვის” წლეულს უკვე მეოთხე იყო. აღსანიშნავია, რომ ასეთი ცუდი შედეგი ევროპის წამყვანი 5 ჩემპიონატიდან არცერთ გუნდს არ აქვს.

დიამანტიმდე პენალტების გამოყენება მარიო გომესმა (“პარმასთან”), გონსალო როდრიგესმა (“სამპდორიასთან”) და ხუმა ბაბაკარმა (“ტორინოსთან”) ვერ მოახერხეს.