მსოფლიო რეიტინგში მეოთხე საფეხურამდე აღზევებული რაფა ნადალი ბარსელონას ტურნირისთვის ემზადება. ამ შეჯიბრებაზე რაფა რვაჯერაა გასული ფინალში და რვავე გადამწყვეტი ორთაბრძოლა მოგებული აქვს. წლეულს ბარსელონას ასპარეზობის სტარტზე ნადალი ესპანელი ნიკოლას ალმაგროსა და იტალიელი პაოლო ლორენცის მატჩის გამარჯვებულს შეხვდება.
“მონტე კარლოში გატარებულმა კვირამ პოზიტიურად დამმუხტა. იქ შემდეგ ტურნირებზე გამოსვლის კუთხით ოპტიმიზმი მომემატა, თუმცა, მხოლოდ პოზიტივითა და ოპტიმიზმით შორს ვერ წავალ - მაქსიმალურად სტაბილურად გამოსვლა და შეცდომების მინიმუმამდე დაყვანა მმართებს”, - აცხადებს მონტე კარლოს წლევანდელი “მასტერზ1000”-ის ნახევარფინალისტი რაფა.
