ფრანგული პსჟ-ს კაპიტანი ტიაგო სილვა ტრავმის გამო “ბარსელონასთან” ჩემპიონთა ლიგის საპასუხო მეოთხედფინალურ მატჩში მონაწილეობას ვერ შეძლებს.

ბრაზილიელი მცველი 15 აპრილს, ესპანურ კლუბთან პარიზში წაგებულ შეხვედრაში (1:3) დაშავდა და საფრანგეთის ჩემპიონატის განვლილ ტურში “ნიცასთანაც” (3:1) არ უთამაშია.

როგორც გამოცემა L'Equipe იტყობინება, სილვა პარიზელთა საწვრთნელ ბაზაზე ინდივიდუალური პროგრამით განაგრძობს მზადებას და გუნდთან ერთად ბარსელონაში არ გაემგზავრება.

“ბარსელონასა” და პსჟ-ს საპასუხო დაპირისპირება “კამპ ნოუზე” 21 აპრილს გაიმართება.