ჩინეთის ქალაქ ჩენდუში, ქალ მოჭადრაკეთა გუნდური ჩემპიონატის პირველ ტურში საქართველო რუსეთს დაუპირისპირდა და ფრედ, 2-2 ითამაშა.

ქართველი მოჭადრაკეები საჭადრაკო დაფებს შემდეგი თანმიმდევრობით მიუსხდნენ: I – ბელა ხოტენაშვილი; II – ლელა ჯავახიშვილი; III – მერი არაბიძე; IV – ნინო ბაციაშვილი. რაც შეეხება სალომე მელიას, ამ ტურში მას მთავარმა მწვრთნელმა ელიზბარ უბილავამ დასვენების საშუალება მისცა.

ხოტენაშვილმა მოუგო გუნინას, ბაციაშვილი კი გორიაჩკინასთან დამარცხდა, არაბიძე დაუზავდა მსოფლიოს ვიცე-ჩემპიონ პოგონინას ხოლო ჯავახიშვილი - ექს-ჩემპიონ კოსტენიუკს. მატჩის საბოლოო ანგარიშია 2-2. ამ დღეს სენსაციის გარეშე არ ჩაუვლია პოლონეთმა უკრაინა დიდი ანგარიშით 3,5-0,5 დაამარცხა, ხოლო ყაზახეთმა 2,5-1,5 ინდოეთის გუნდს მოუგო.

მეორე ტურში ეგვიპტის ნაკრებს ვეთამაშებით.

გთავაზობთ პირველი ტურის ტექნიკურ შედეგებს.

საქართველო – რუსეთი 2-2

ბელა ხოტენაშვილი-ვალენტინა გუნინა - 1:0.
ალექსანდრა კოსტენიუკი-ლელა ჯავახიშვილი - 0,5:0,5
მერი არაბიძე-ნატალია პოგონინა - 0,5:0,5
ალექსანდრა გორიაჩკინა-ნინო ბაციაშვილი 1:0.

სომხეთი – ჩინეთი 1-3

უკრაინა – პოლონეთი 0,5-3,5

ყაზახეთი – ინდოეთი 2,5-1,5

აშშ – ეგვიპტე 3-1

მეორე ტურის შეხვედრათა განრიგი. 20 აპრილი

ეგვიპტე –საქართველო

ინდოეთი – ჩინეთი

რუსეთი – სომხეთი

პოლონეთი – აშშ

ყაზახეთი – უკრაინა