corriere dello sport-ის ინფორმაციით, ესპანეთის ეროვნული ნაკრების და კატალონიის “ბარსელონას” შემტევმა პედრო როდრიგესმა მილანის “ინტერთან” შეთანხმებას მიაღწია და მომდევნო სეზონში იტალიური გუნდის ღირსებას დაიცავს.

თუმცა, ამავე გამოცემის ცნობით, კლუბები პედროს ტრანსფერზე ჯერ არ შეთანხმებულან. მოსალოდნელია, რომ 27 წლის ფეხბურთელის სანაცვლოდ “ნერაძური 16.5 მილიონ ევროს გადაიხდის. პედროს სატრანსფერო ღირებულება 20 მილიონ ევროს შეადგენს.

მიმდინარე სეზონში ფეხბურთელმა საკლუბო ტურნირებზე 40 მატჩი ჩაატარა, გაიტანა 10 გოლი და 7 საგოლე გადაცემაც შეასრულა.