“ჰოფენჰაიმის” მთავარმა მწვრთნელმა მარკუს გისდოლმა კლუბთან ახალი, ორწლიანი კონტრაქტი გააფორმა. ამ თემაზე 45 წლის მწვრთნელმა კლუბის ოფიციალური საიტისთვის მოკლე კომენტარი გააკეთა.

“გადაწყვეტილება ადვილად მივიღე. გასული 2 წლის განმავლობაში ფეხბურთელებთან ნაყოფიერად ვიმუშავე და ამ დროის განმავლობაში მათში დიდი პოტენციალი დავინახე”, - აღნიშნა გისდოლმა.

28 ტურის შემდეგ ბუნდესლიგის სატურნირო ცხრილში “ჰოფენჰაიმი” 37 ქულით მე-7 ადგილზეა.

გისდოლის გუნდი შემდეგი ტურის მატჩს 18 აპრილს საკუთარ მოედანზე მიუნხენის “ბაიერნის” წინააღმდეგ გამართავს.