კალათბურთში საერთაშორისო სტუდენტური ლიგის ოთხთა ფინალის მონაწილე სტუ აღნიშნულ ტურნირში მონაწილეობის მისაღებად 21 აპრილს მიემგზავრება. შეჯიბრს 23-24 აპრილს მოსკოვი (რუსეთი) უმასპინძლებს.
“22-ში ვივარჯიშებთ. 23-ში კი ოთხთა ტურნირის ერთ-ერთ მონაწილე ესტონურ გუნდს შევხვდებით”- უთხრა “მსოფლიო სპორტს” სტუ-ს მთავარი მწვრთნელის თანაშემწემ გულივერ ახალკაცმა.
მეორე ნახევარფინალში ტურნირის მასპინძელი გუნდი, ქალაქ დებრეცენის (უნგრეთი) გუნდს დაუპირისპირდება. გამარჯვებულები ტურნირის მეორე დღეს ფინალში, ხოლო ხელმოცარული გუნდები მესამე ადგილისათვის მატჩში იასპარეზებენ.
