ლეგენდარულმა იტალიელმა მწვრთნელმა და ამჟამად რუსეთის ეროვნული ნაკრების თავკაცმა ფაბიო კაპელომ განაცხადა, რომ ლიონელ მესი კრიშტიანუ რონალდუზე მაღალი დონის ფეხბურთელია და არგენტინელი მსოფლიოში საუკეთესოა.
“ბურთს ფეხებით ისე ვერავინ ეპყრობა, როგორც ამას მესი აკეთებს. ვფიქრობ, იგი მსოფლიოში საუკეთესო ფეხბურთელია. კრიშტიანუ რონალდუ რა თქმა უნდა დიდი ფეხბურთელია, მაგრამ ჩემი აზრით, ის პირველი მხოლოდ მადრიდის “რეალის” ისტორიაშია. რაც შეეხება ნეიმარს – გამორჩეული ტალანტია, მაგრამ მას დრო სჭირდება”, - განაცხადა მხცოვანმა სპეციალისტმა.
