საფრანგეთის ლიგა 1-ის 32-ე ტური “კაენისა” და “მონაკოს” მატჩით დაიწყო. ლეონარდო ჟარდიმის გუნდმა დამაჯერებელი გამარჯვება მოიპოვა, რაც სამ უპასუხო გოლში აისახა.

29-ე წუთზე მარცხენა ფლანგზე კარასკომ იაქტიურა, საჯარიმოსთან ახლოს მყოფ მარტიალს საგოლე პასი გაუკეთა, რომელმაც ერთი შეხებით ძლიერად დაარტყა ვერკუტრის კარისკენ. ბურთი მეკარისაგან მარცხნივ, შორეულ კუთხეში წავიდა და ანგარიში გაიხსნა.

64-ე წუთზე ბერნარდო სილვამ ინდივიდუალური ოსტატობის ხარჯზე ანგარიში ორამდე გაზარდა. მან კუთხური კარასკოსთან გაითამაშა, შემდეგ კი სწრაფად გაცდა ერთ მეტოქეს, საჯარიმოში შევიდა და ცაციათი ძლიერად დაარტყა. მეკარემ ახლო ძელისკენ გაგზავნილი ბურთის მოგერიება ვერ შეძლო.

მატჩის დასრულებამდე რამდენიმე წუთით ადრე მარტიალის პასის შემდეგ ბერნარდო სილვა მეკარესთან პირისპირ აღმოჩნდა და მისი დარტყმის შემდეგ მატჩის საბოლოო ანგარიში დაფიქსირდა.

დღევანდელი მატჩის შემდეგ “მონაკო” 58 ქულით მე-3 ადგილზე იმყოფება, “კაენი” კი 38 ქულით მე-12 პოზიციას იკავებს.

კაენი – მონაკო 0:3 (0:1)

კაენი, “მიშელ დ’ორნანო”

კაენი: ვერკუტრი, საადი (იაჰია 78), და სილვა, იმორუ, აპია, სუბე, ფერეტი, კანტე, ბაზილე (ბენეზეტი 72), ნანგისი (ლემარი 64), სალა

მთავარი მწვრთნელი: გარანდე

მონაკო: სუბასიჩი, კარვალიო (ვალასე 69), რაჯი, ეჩიეჟილე, აბდენური, ტულალანი (ფაბინიო 50), მოუტინიო, კონდოგბია, კარასკო (კურზავა 86), სილვა, მარტიალი

მთავარი მწვრთნელი: ჟარდიმი

გოლები: 0:1 მარტიალი (29), 0:2, 0:3 სილვა (64, 84)

მთავარი მსაჯი: ტონი შაპრონი

გაფრთხილება: ბაზილე (16), იმორუ (41)