საფეხბურთო კლუბ ფოთის “კოლხეთის” საშინაო სტადიონზე სარეაბილიტაციო სამუშაოები გრძელდება.
თავის დროზე, ფოთში საქართველოს ფეხბურთის ფედერაციის ხელშეწყობით ახალი ბალახის საფარი დააგეს. ამას სტადიონის დანგრეული ტრიბუნების აშენება უნდა მოჰყოლოდა. თუმცა, 2012 წელს დაწყებული სამუშაოები შეჩერდა და მხოლოდ მიმდინარე წლის დასაწყისში განახლდა.
მართალია, “კოლხეთის” ხელმძღვანელობას, მთავარ მწვრთნელსა და ადგილობრივ გულშემატკივრებს სამუშაოების უფრო სწრაფი ტემპი სურთ, მაგრამ ახლა მთავარია პროცესი კვლავ არ გაჩერდეს, რომ მომავალ სეზონში ფოთელებმა შინ ითამაშონ.
