ძალიან დიდია ალბათობა იმისა, რომ ტურნირის “იუვენტუსის” ესპანელმა ფორვარდმა ფერნანდო ლორენტემ მომავალ ზაფხულში კლუბი გამოიცვალოს.

მას შემდეგ, რაც ალვარო მორატა გამოჯანმრთელდა, 30 წლის ესპანელი “ბებერი ქალბატონის” სასტარტო შემადგენლობაში ვეღარ ხვდება და კლუბში თავისი მდგომარეობით უკმაყოფილოა. გარკვეულწილად, მისი არცთუ მაღალი შედეგიანობა (7 გოლი 34 მატჩში), სწორედ იმის დამსახურებაა, რომ მას საჭირო სათამაშო დრო არ ეძლევა.

სწორედ ამიტომ, Gazzetta dello Sport-ის ინფორმაციით, ფერნანდო შეეცდება კონტრაქტი “ვალენსიასთან” გააფორმოს. “მანჩესტერ სიტის” თავდამსხმელი ალვარო ნეგრედო, რომელიც “ვალენსიაში” განათხოვრების წესით თამაშობს, სეზონის დასრულების შემდეგ დიდი ალბათობით ინგლისში დაბრუნდება და “მესტალიაზე” ის ლორენტემ უნდა შეცვალოს.

აღსანიშნავია, რომ ტურინელთა თავკაცმა მაქს ალეგრიმ ლორენტეს წასვლაზე თანხმობა უკვე განაცხადა.