იტალიური “უდინეზეს” ვეტერანმა თავდამსხმელმა ანტონიო დი ნატალემ ლონდონის “არსენალის” ოფიციალურ ვებ-გვერდს ინტერვიუ მისცა, რომელშიც მეტწილად “მეთოფეთა” ამჟამინდელი ლიდერის და თავისი ყოფილი თანაგუნდელის – ალექსის სანჩესის შესახებ ისაუბრა.

დი ნატალეს თქმით, ალექსისი კონცენტრირებული მოთამაშეა და იგი ბრაზილიელ ნეიმარზე მაღლაც დააყენა.

“ვიცოდი, რომ “უდინეზემ” ახალგაზრდა ფეხბურთელი შეიძინა. ჩვენი გუნდის მიზანიც ყოველთვის ეს იყო; ნიჭიერი მოთამაშეების დაღვინება და შემდეგ მათი დიდ გუნდებში გასხვისება. ალექსისი ჩვენამდე “კოლო კოლოდან” “რივერში” გადავიდა ეს უკვე იყო დიდი ნაბიჯი მის კარიერაში.

ჩემს კარიერაში არაერთ ვარსკვლავთან ერთად მითამაშია, რომლებიც უყურადღებოდ იყვნენ – აგძელებს ტოტო, მაგრამ სანჩესი პირიქით – ყოველთვის ბოლომდე კონცეტრირებული, გამორჩეული ხაირისხით და ძალიან ტექნიკურიც.

მითამაშია ბევრი ჩემპიონის გვერდით, მაგრამ იგი საუკეთესო თანაგუნდელია, როგორიც არასდროს მყოლია.

სანჩესი მრავალმხრივი ფეხბურთელია და სხვადასხვა პოზიციაზე თამაში შეუძლია. მახსოვს, უდინეში ბევრი ტრავმირებული ფეხბურთელი გვყავდა და მას ნახევარდაცვაში უწევდა ასპარეზობა. მას მომატება კიდევ შეუძლია, როგორც მე, არც ისაა მაღალი, მაგრამ ვფიქრობ, თავით თამაშის გაუმჯობესებაც კი ხელეწიფება.

ყოველთვის ვუყურებ ალექსის თამაშებს. მისი ნახვა მუდამ შესანიშნავია, ჩვენ ერთმანეთს ზაფხულში უოტფორდში შევხდით; იგი ახლა უკვე ვარსკვლავია, მაგრამ საერთოდ არ შეცვლილა, ისევ ისეთივეა, როგორც ადრე გაცნობის პირველ პერიოდში.

სანჩესი და ნეიმარიც ორივე დიდებული ფეხბურთელები არიან. არჩევანის გაკეთება რთულია, მაგრამ მე ალექსის ვირჩევ, რადგან უფრო კონცენტრირებული თავდამსხმელი მგონია”, - ამბობს დი ნატალე.

ალექსის სანჩესი და ანტონიო დი ნატალე “უდინეზეში” 2008-2011 წლებში თამაშობდნენ და ეს ტანდემი მეტოქეებს შიშის ზარს სცემდა.