შვედური ბულვარული გაზეთის Aftonbladet-ის ინფორმაციით, “პარი სერ ჟერმენის” თავდამსხმელმა ზლატან იბრაჰიმოვიჩმა 19 მარტს, პარიზში, ამერიკის შეერთებული შტატების საელჩოში არატურისტული ვიზის მისაღებად განაცხადი შეავსო.
ანონიმური წყაროს ინფორმაციით, ზლატანი აშშ-ში გამგზავრებას ტურისტის რანგში არ აპირებს და შესაბამისად გაჩნდა ეჭვი იმისა, რომ შვედეთის ეროვნული ნაკრების ფორვარდი ამერიკის ჩემპიონატში გადაბარგდება.
ჯერჯერობით უცნობია თუ რომელი კლუბი გამოხატავს დაინტერესებას ზლატანის მიმართ. იბრაჰიმოვიჩის აგენტმა მინო რაიოლამ ადრე განაცხადა, რომ შვედი პსჟ-ში კარიერის დასრულებას არ აპირებს.
