ამ დროისთვის 2015 წლის საუკეთესო ფორვარდი www.football-observatory.com-ის ვერსიით არგენტინელი ლიონელ მესია, პორტუგალიელი ფეხბურთელი კრიშტიანუ რონალდუ კი 29-ე პოზიციას იკავებს.

მესიმ მიმდინარე წელს ლა ლიგის 12 მატჩში 17 გოლი გაიტანა, რონალდუს ანგარიშზე კი 11 შეხვედრაში გატანილი 6 გოლია. პორტუგალიელს რამდენიმე საფეხურით ჩამორჩნენ მისი თანაგუნდელები, გარეტ ბეილი (35-ე ადგილი) და კარიმ ბენზემა (37-ე ადგილი).

შემტევ ნახევარმცველებს შორის საუკეთესო ედენ აზარი გახდა, საუკეთესო ცენტრალური ნახევარმცველი კი ნური შაჰინი. ფლანგის მცველებს შორის ყველას გაელ კლიშიმ აჯობა, ცენტრალურ მცველებს შორის კი ემირ სპაჰიჩმა.

აღნიშნულმა ვებგვერდმა მიმდინარე წლის იანვრიდან დღემდე მოთამაშეთა შიდა ჩემპიონატში ნაჩვენები თამაშის ანალიზი გააკეთა. ყურადღება მხოლოდ ესპანეთის პრიმერა დივიზიონის, ინგლისის პრემიერლიგის, გერმანიის ბუნდესლიგისა და იტალიის სერია A-ს ჩემპიონატებში მონაწილე ფეხბურთელებს დაეთმო.

საუკეთესო ფორვარდების გარდა დასახელდნენ საუკეთესო ცენტრალური მცველები, ფლანგის მცველები, ცენტრალური ნახევარმცველები და შემტევი ნახევარმცველები. გთავაზობთ თითოეულ პოზიციაზე საუკეთესო ფეხბურთელთა ხუთეულს:

საუკეთესო ცენტრალური მცველები

1. ემირ სპაჰიჩი – (ლევერკუზენის “ბაიერი”)
2. მარტინ დემიჩელისი – (“მანჩესტერ სიტი”)
3. მატს ჰუმელსი – (დორტმუნდის “ბორუსია”)
4. კრის სმოლინგი ( “მანჩესტერ იუნაიტედი”)
5. ტიაგო სილვა (პსჟ)

საუკეთესო ფლანგის მცველები

1. გაელ კლიში (“მანჩესტერ სიტი”)
2. მარსელო (მადრიდის “რეალი”)
3. რაფინია (მიუნხენის “ბაიერნი”)
4. ვენდელ ნასიმენტო ( ლევერკუზენის “ბაიერი”)
5. პაბლო ძაბალეტა (“მანჩესტერ სიტი”)

საუკეთესო ცენტრალური ნახევარმცველები

1. ნური შაჰინი (დორტმუნდის “ბორუსია”)
2. პოლ პოგბა (ტურინის “იუვენტუსი”)
3. ფერნანდინიო (“მანჩესტერ სიტი”)
4. ლუკას ბილია (რომის “ლაციო”)
5. ილკაი გიუნდოგანი (დორტმუნდის “ბორუსია”)

საუკეთესო შემტევი ნახევარმცველები

1. ედენ აზარი (“ჩელსი”)
2. 2. მესუთ იოზილი (“არსენალი”)
3. ხესუს ნავასი (“მანჩესტერ სიტი”)
4. კევინ დე ბრუენი (“ვოლფსბურგი”)
5. შინჯი კაგავა ( დორტმუნდის “ბორუსია”)

საუკეთესო ფორვარდები

1. ლიონელ მესი (“ბარსელონა”)
2. არიენ რობერი (“ბაიერნი”)
3. ბას დოსტი (“ვოლფსბურგი”)
4. ლუის სუარესი (“ბარსელონა”)
5. დიეგო კოშტა (“ჩელსი”)