ევროპის 2016 წლის ჩემპიონატის შესარჩევი ციკლის მატჩში ჩერნოგორიის ნაკრებმა პოდგორიცაში რუსეთი მიიღო.

მასპინძელთა ქომაგები მთელი შეხვედრის განმავლობაში ძალიან აგრესიულნი იყვნენ მეტოქის მიმართ. საბოლოოდ, მატჩის დასრულება ვერც მოხერხდა და 67-ე წუთზე მთავარმა მსაჯმა დენიზ აიტეკინმა შეხვედრა შეწყვეტილად გამოაცხადა.

შეხვედრას კი დაძაბული ფონი პირველივე წუთიდან თან სდევდა. ჩერნოგორიელმა ულტრასმა სტუმართა მეკარეს იგორ აკინფეევს მაშხალა მოარტყა. რუსმა მეკარემ გონება დაკარგა და უმალ საავადმყოფოში გადაიყვანეს. ამჟამინდელი ინფორმაციით, იგორის სიცოცხლეს საფრთხე არ ემუქრება.

იხილეთ ინციდენტის ვიდეო.