კოლუმბიის რადიო caracol-სთვის მიცემულ ინტერვიუში რადამელ ფალკაომ საკუთარი პროფესიული კარიერის შესახებ ისაუბრა. “მანჩესტერის” ფეხბურთელის თქმით, მისთვის მნიშვნელოვანია ისეთ კლუბში მოხვედრა, სადაც რეგულარული თამაშის საშუალება ექნება.

“სეზონის დასრულების შემდეგ დავფიქრდები, ანალიზს გავუკეთებ გასულ სეზონს და მოცემულ სიტუაციაში საუკეთესო გადაწყვეტილებას მივიღებ. მსურს გუნდში თამაში, რომელშიც რეგულარულად ვითამაშებ”, -განაცხადა მოთამაშემ.

“ა დროისთვის მხოლოდ “მანჩესტერზე” ვარ კონცენტრირებული. სეზონის დასრულებამდე 8 მატჩი დაგვრჩა ჩასატარებელი, შემდეგ კი ვნახოთ, რა მოხდება. მჭირდება სათამაშო პრაქტიკა. ვცდილობ, პროფესიულ ჩარჩოებს არ გავცდე და სიმშვიდე შევინარჩუნო. გადაწყვეტილებას მწვრთნელი იღებს, მიუხედავად უთამაშებლობისა არ მაქვს მოდუნებისა უფლება”, - დაასრულა ფალკაომ.

“მონაკოს” საკუთრებაში მყოფი რადამელ ფალკაო “მანჩესტერში” იჯარის წესით თამაშობს. ფორვარდმა მიმდინარე სეზონის პრემიერლიგაში 19 მატჩი ჩაატარა და მხოლოდ 4 გოლი გაიტანა.