საქართველოს ფეხბურთელთა ეროვნული ნაკრების მთავარმა მწვრთნელმა კახა ცხადაძემ 25 მარტს მალტასთან ამხანაგურ მატჩამდე “მიხეილ მესხზე” გამართულ პრესკონფერენციაზე განაცხადა, რომ გუნდის სათამაშო სტილი შეიცვლება და ნებისმიერ შეხვედრაში გამარჯვებისთვის ითამაშებენ.
პრესკონფერენციის დაწყებამდე, ნაკრების პრესატაშე ოთარ გიორგაძემ საქართველოს ფეხბურთის ფედერაციის სახელით ბორის პაიჭაძის სახელობის “დინამო არენაზე” სამშაბათს გერმანიასთან მატჩზე დასაწრები ბილეთების გაყიდვის დროს წარმოშობილი ხარვეზისთვის ბოდიში მოიხადა.
კახა ცხადაძე: “ორშაბათს შევიკრიბეთ, მაგრამ ფეხბურთელების ნაწილი ღამით ჩამოფრინდა. სრული შემადგენლობით დღეს საღამოს ვივარჯიშებთ. დრო ძალიან ცოტა გვაქვს და მის გამოყენებას მაქსიმალურად ვეცდებით”.
- ორშაბათს მცირე ტრავმის გამო ჯანო ანანიძემ ვერ ივარჯიშა. მალტასთან და გერმანიასთან მატჩებისთვის მზად იქნება?
- ჯანო დღეს საღამოს ივარჯიშებს და ამის მერე გვეცოდინება, მალტასთან ითამაშებს თუ არა.
- გიორგი მერებაშვილმა განაცხადა, რომ ნაკრებში მისი არგამოძახება დამამცირებელი ფორმით მოხდა...
- არავითარ შემთხვევაში. თავდაპირველად გაფართოებული სია დავასახელეთ, რომელიც შევკვეცეთ და ის ვერ მოხვდა. მომავალში შანსი ექნება და იმედია, გამოიყენებს. მას წარმატებას ვუსურვებ.
- ეროვნული ნაკრები მომავალ მატჩებში რა სქემით ითამაშებს?
- ორ სქემას ვამუშავებთ. ხვალ დილას გადავწყვეტთ, რომელს ავირჩევთ. მალტას ვეთამაშებით, მაგრამ გერმანიაზე ვფიქრობთ. ძალიან ცოტა დროა და ვეცდებით მაქსიმალურად გამოვიყენოთ. დღეს დილას ვარჯიში საათნახევარი გაგვიგრძელდა და ძირითადად ყურადღება ტაქტიკაზე გავამახვილეთ.
- მერებაშვილის თემა რომ გავაგრძელოთ. საქართველოს ნაკრებში პერმანენტულად მსგავსი პრობლემები რატომ წარმოიშვება?
- კიდევ ერთხელ ვიმეორებ, რომ ეს ფეხბურთელი არ გამოვიძახეთ, მაგრამ შანსი ყველას ექნება. ძალიან გთხოვთ ეს თემა აღარ გავაგრძელოთ.
- ნაკრების მზადების პროცესი როგორ მიმდინარეობს?
- ახალი მწვრთნელი მოვიდა და გუნდის ფილოსოფიაც ახალია. მჯერა, ფეხბურთელები იმ მოთხოვნებს აითვისებენ, რაც ჩვენ გვაქვს.
- შემტევ ფეხბურთს თუ ითამაშებთ?
- სქემა არ ნიშნავს, რომ გუნდმა მხოლოდ დაცვითი ან მხოლოდ შემტევი ფეხბურთი უნდა ითამაშოს. ეს მეტოქეზეა დამოკიდებული, რას შემოგვთავაზებს. მალტასთან თამაში განსხვავებული იქნება, ვიდრე გერმანიასთან. შეტევაზე ორიენტირებული ვიქნებით, მაგრამ მალტას სახიფათო კონტრშეტევები აქვს და ყურადღებით უნდა ვიყოთ.
- შარშან შემოდგომაზე ნაკრების მწვრთნელი ამბობდა, რომ შემტევი ფეხბურთელები არ გვყავს. გაზაფხულამდე რა შეიცვალა?
- შემტევი ფეხბურთელები გვყავს და მათ გამოვიყენებთ.
- ეს ნაკრები წინამორბედისგან რამდენად განსხვავებული იქნება?
- ვარჯიშის სტილი შეიცვალა და განსხვავებულად ვითამაშებთ. შევეცდებით საუკეთესო თვისებები წარმოვაჩინოთ.
- მალტასთან მატჩი ამხანაგურია, მაგრამ შედეგი რამდენად მნიშვნელოვანია?
- შედეგი და გამარჯვებისთვის ბრძოლა ყოველთვის მნიშვნელოვანია, რომ გამარჯვებულის ფსიქოლოგია ჩამოგვიყალიბდეს. ყველა მატჩში შედეგზე ვითამაშებთ.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
გვარდიოლას შესაბამისი დაფასება არ აქვს,სასწაულ ტრენერთან გვაქვს საქმე და ბევრი არ ვაფასებთ.მოურინიოს კლოპს ანჩელოტის და ასეთ ვიღაცეებს აქებენ ტიპები და გვარდიოლა რა დონეა არც უფიქრდებიან.15 ჩემპიონატიდან აქვს 12 მოგებული.კიდევ 15 წელი რომ იმუშავოს მაგან და იგივე შედეგი გაიმეოროს,რა ვიცი შედარებაც არ იქნება სხვა მწვრთნელებთან
ზედიზედ მეხუთედაც თუ მოიგო და მაგას მოვუხან პატრონი მაშინ))))რაღას ატარებენ საერთოდ პრემიერლიგას))))მოკლედ გავუშვი ჩემი ჯილა ინგლისის ასაოხრებლად)))ის ხო ვერ გაქაჩავდა ინგლისში,ეს პრემიერლიგაა პეპ))))როდრიც ვერ გაქაჩავდა ინგლისში ბევრის აზრით))))
როდრი მსოფლიოს საუკეთესო ჩამშლელი ნახევარმცველი ულაპარაკოდ,შეიძლება ზოგადად საუკეთესო ფეხბურთელიც კი დღეს მსოფლიოში.არარეალურად მაგარია ტიპი,მასეთი საყრდენი მე არ მინახავს.დებრუინი კლასიკა შემტევი ნახევარმცველი,ბერნარდო ფოდენი გუნდოგანი,რა არჩევანი აქვს გვარდიოლას ცენტრში.დაცვაც ძლიერი ყავს და შეტევაც.ეს სავინიოც კაი იგროკი ჩანს.ყველაზე მთავარი ბოლოს,თვითონ გვარდიოლაა სასწაული ტრენერი,სტაბილურობის გარანტი.არსენალი ნაღდად გაძლიერდა,ბოლო-ბოლო მარცხენა მცველზე ამ მზე ზინჩენკოს დაყენება აღარ მოუწევს ტიმბერი-კალაფიორის ხარჯზე, მაგრამ მაგათთან ჯახი რა ვიცი,თუ არ დადმო გვარდიოლამ ისე გაუჭირდება არტეტას)))
შეიძლება არც დაიმატოს არსენალმა ცენტრფორვარდი.მერინოს დამატებით ცენტრში დიდი კონკურენცია ხდება და ჰავერცი ძირითად ცენტრფორვარდად შეიძლება რომ განიხილონ.პლუს ზამენაზე ჟეზუსი-ნკეტია.მოკლედ არსენალი ძაან ძლიერი გუნდია,უბრალოდ მონსტრი სიტი ყავს მეტოქე,ყველაზე ძლიერი გუნდი რაც ინგლისის საფეხბურთო ისტორიას ზოგადად ყოლია
არსენალმა დაიმატა მიკელ მერინო,ასევე კალაფიორი.დიდხნიანი ტრავმის შემდეგ დაბრუნდა ტიმბერიც,რომელიც მესამე ტრანსფერად შეიძლება ჩაითვალოს.ერთი მაგარი ცენტრფორვარდი ჭირდება არტეტას კამანდას და სიტის შემდეგ,ულაპარაკოდ ყველაზე მაგარი შემადგენლობა ეყოლება ინგლისში.ნუ ეხლაც ეგრეა მაგრამ კარგი ცენტრფორვარდი,არსენალს ძაან საშიშს გახდის.რა ვიცი ლივერპულის ფანებს დავემგვანე,ყოველწელს არსენალის ჩემპიონობას ვიძახი და ვეღარც გახდა))))იმედია ამ სეზონში მაინც გახდებიან.თუ არადა გვარდიოლა მოიგებს ისევ და 7 პრემიერლიგის(ზოგადად ინგლისის ჩემპიონის) ტიტულით,ერთპიროვნულად გადავა მეორე ადგილზე ფერგის 13 საჩემპიონო ტიტულის შემდეგ.ეხლა ორ კაცთან იყოფს 6 ჩემპიონობით მე-2-3-4 ადგილებს.ასე რომ არსენალი მოიგებს თუ სიტი,არცერთზე არ დამწყდება გული და მაგ ორს რომ არ გაექცევა ჩემპიონობა,მაგაზე ლაპარაკი არც უნდა იყოს.