მიუნხენის “ბაიერნის” ჰოლანდიელი ლიდერი არიენ რობენი დაშავდა და საკუთარ გუნდს უახლოეს შეხვედრებში ვერ დაეხმარება.

ბუნდესლიგის 26-ე ტურის შეხვედრაში გათამაშების ერთპიროვნული ლიდერი საკუთარ მოედანზე “გლადბახთან” 0:2 დამარცხდა. ეს არაფერია იმასთან შედარებით, რაც პირველი ტაიმის შუაში მოხდა: რობენმა ტონი იანჩკესთან შეტაკების შემდეგ თამაშის გაგრძელება ვერ შეძლო და 24-ე წუთზე შეცვალეს. კლუბის “თვითერის” ინფორმაციით, არიენმა მკერდის კუნთი გაიწყვიტა და ჰოლანდიელის აღდგენას რამდენიმე კვირა დაჭირდება.

გერმანიის მიმდინარე ჩემპიონატში ჩატარებულ 21 მატჩში რობენმა 17 გოლი გაიტანა.