იტალიის მოქმედ ჩემპიონ ტურინის “იუვენტუსს” სეზონის დარჩენილი ნაწილის ჩატარება გუნდის ლიდერის პოლ პოგბას გარეშე მოუწევს. 22 წლის ფრანგი ნახევარმცველი გერმანული “დორტმუნდის” წინააღმდეგ მატჩისას შესაცვლელი შეიქნა. როგორც ჩატარებულმა გამოკვლევამ ცხადყო, პოგბას მარჯვენა ბარძაყის კუნთი აქვს დაზიანებული და მის მკურნალობას 2 თვე დასჭირდება, რაც იმას ნიშნავს, რომ მისთვის წლევანდელი სეზონი დასრულებულია.

ახალგაზრდა ვარსკვლავმა ტრავმა ჯერ კიდევ “ბორუსიასთან” თამაშამდე, ვარჯიშზე მიიღო, თუმცა მასიმილიანო ალეგრიმ მისი “სიგნალ იდუნა პარკზე” თამაში მაინც გადაწყვიტა.

პოგბა ტურინული გუნდის ერთ-ერთ ლიდერად ითვლება და მიმდინარე სეზონში სერია A-ში ჩატარებულ 22 მატჩში თავი 7-ჯერ გამოიჩინა.