“მონაკოს” საკუთრებაში მყოფ თავდამსხმელს რადამელ ფალკაოს მადრიდის “ატლეტიკოში” დაბრუნება სურს. აღნიშნულ ინფორმაციას ავტორიტეტული ესპანური გამოცემა Marca ავრცელებს.

მიმდინარე სეზონს კოლუმბიელი “მანჩესტერ იუნაიტედში” ატარებს იჯარით, თუმცა ინგლისში კარიერა არ აეწყო (პრემიერლიგაში ჩატარებულ 18 მატჩში 4 გოლი გაიტანა და 5 საგოლე გადაცემა მიითვალა) და “ვისენტე კალდერონზე” დაბრუნების სურვილი გამოთქვა. საკითხავია, რამდენად მოინდომებს ფალკაოს დაბრუნებას “როხიბლანკოს” მთავარი მწვრთნელი დიეგო სიმეონე, რომლის განკარგულებაშიც მარიო მანძუკიჩი და ფერნანდო ტორესი იმყოფებიან.

შეგახსენებთ, რომ ფალკაო “ატლეტიკოში” 2011-2013 წლებში თამაშობდა და 91 ჩატარებულ შეხვედრაში 70 გოლის გატანა მოახერხა.