ლონდონის “არსენალის” ფრანგი მთავარი მწვრთნელი არსენ ვენგერი ფიფას სტუმრად გატანილი გოლის წესს უწუნებს და აღნიშნავს, რომ ეს წესი 60-იანი წლების გადმონაშთია და დროს აშკარად ჩამორჩა.
“მოძველებული საჩუქარია. როცა ორრაუნდიან ბრძოლაში თანაბარი ანგარიშია, დამატებითი დრო უნდა ინიშნებოდეს. სტუმრად გატანილი გოლის წესი 60-იანი წლებს მაგონებს. დღეს გასვლით მატჩში გატანილი გოლისთვის ასეთი დიდი მნიშვნელობის მინიჭება მეტისმეტი მგონია”, - განაცხადა ვენგერმა.
მოგეხსენებათ, რომ ვენგერის “არსენალი” ფრანგულ “მონაკოსთან” სწორედ სტუმრად გატანილი ნაკლები გოლის გამო გამოეთიშა.
