მადრიდის “ატლეტიკოს” მთავარი მწვრთნელი დიეგო სიმეონე კლუბთან კონტრაქტს გაახანგრძლივებს. აღნიშნული ინფორმაცია არგენტინელი სპეციალისტის დამ და ამავდროულად მისმა აგენტმა ნატალიამ დაადასტურა: “სიმეონეს კონტრაქტის გახანგრძლივებასთან დაკავშირებით, ახალი კარგი ცნობა უახლოეს დღეებში გავრცელდება.”
ინგლისური მედიის ინფორმაციით, სიმეონე “როხიბლანკოსთან” ხელშეკრულებას 2020 წლის ივლისამდე გააფორმებს. “ატლეტიკომ” ჩემპიონთა ლიგის მერვედფინალურ ეტაპზე ლევერკუზენის “ბაიერი” თერთმეტმეტრიანების სერიაში დაამარცხა და მეოთხედფინალში გავიდა. სიმეონეს კონტრაქტის შესახებ ცნობა სწორედ გერმანელებთან მატჩის შემდეგ გავრცელდა.
სამხრეთამერიკელს მადრიდელებთან ხელშეკრულება 2016/17 წლების სეზონის ბოლომდე აკავშირებს.
