პრაღის “სლავიას” შემტევმა ნახევარმცველმა ლევან ყენიამ გასულ შაბათს კლუბის გულშემატკივრებთან ტრადიციულ შეხვედრაზე განაცხადა, რომ საქართველოს ეროვნულ ნაკრებში დაბრუნებამ ძალიან გაახარა.

“ნაკრებში დაბრუნება ძალიან მიხარია. საუცხოო იქნება თუ გერმანიასთან ვითამაშებ” – იუწყება “სლავიას” ვებგვერდი ყენიას სიტყვებს.

შაბათს, დღის მეორე ნახევარში ქართველი ფეხბურთელი “სლავიას” ქომაგებს შეხვდა, რომლებმაც მას პარასკევს “მლადა ბოლესლავთან” შინ წაგებულ (3:4) მატჩში საჯარიმო დარტყმით გატანილი გოლი შეუქეს.

ყენიამ “სლავიას” მარცხი სინანულით აღნიშნა:

“სამწუხაროდ, ფეხბურთში ასეთი რამ ხდება. ჩემთვის უკეთესი იქნებოდა, რომ 4:3 გაგვემარჯვა. 2:0 ვიგებდით, მაგრამ მეტოქემ პირველ ტაიმში ორი გოლი გაგვიტანა”.

ყენიამ გულშემატკივრებთან სამახსოვრო ფოტოებიც გადაიღო.